Dugo-dugo
Mga Sagol
- 1/2 sa litro nga dugo sa baboy
- 250 g nga kasing-kasing sa baka
- 350 g pork sisig
- 1 ka chicken cube
- 120 ml nga suka
- 2 ka kutsara nga asukar
- 1 ka kutsara nga asin
- 1 ka kusarita nga paminta nga tibuok
- 1 ka pulgada nga luy-a
- 2 ka lusok nga ahos
- 5 ka dahon sa lawrel
- 1 ka sibuyas bombay nga dako
- 5 ka sibuyas dahon
- 2 ka sili-espada
Proseso
- Pagpabukal og usa ka litro nga tubig sa kalderin ug isagol ang 2 ka dahon sa lawrel, paminta nga tibuok ug usa ka kutsarita nga asin.
- Ilunod ang kasing-kasing ug lutoa kini bali'g 15 minutos.
Pahibalo : Ayaw ilabay ang binukal nga tubig. Kuha-i lamang kini sa mga bula ini'g ka bukal kay magsilbi kining sabaw unya. - Kung luto na ang kasing-kasing, haona kini ug pabugnawa. Hiwa-hiwaa kini og ginagmay nga kubitos ug ipadaplin una.
- Sagoli og 2 ka kutsara nga suka ang dugo sa baboy ug ipadaplin usab kini.
- Andama ang mga lamas ug tadtara kini kauban sa mga sili unya ipadaplin.
- Inita ang sisig sa kaha ug luto-a kini hangtud sa mogawas ang kaugalingon niining mantika.
- Isagol ang mga hiniwa nga kasing-kasing sa baboy ug luto-a bali'g 5 ka minutos samtang padayon ang regular nga pagsugkay niini.
- Ilunod ang mga nahabilin nga dahon sa lawrel, mga lamas ug sili nga tinadtad. Luto-a bali'g 3 ka minutos.
- Timboli og tunga sa litro sa sabaw nga gikan sa linapwa-an nga kasing-kasing sa baka. Isagol ang chicken cube ug pabukala kini hangtud sa mahubsan diyotay sa iyang sabaw.
- Isagol ang dugo sa baboy samtang padayon ang regular nga pagsugkay aron malikayan ang pagtibugol sa sabaw. Luto-a kini og hinay-hinay bali'g 10 ka minutos ug pagasugkay-sugkaya usab kini usahay.
- Ilunod ang suka ug asukar. Sugkaya ug lutoa nasad bali'g 10-15 minutos.
Pahibalo : Timboli kini og usa o duha ka luwag sa sabaw sa linapwa-an nga kasing-kasing sa baka kung mahubsan aron dili kaayo kini mobaska. - Timplahi kini og asin depende sa imong lasa ug mahimo na kini ikadalit.