Mga Sagol

• 1 ka kilo nga karne sa baka
• 1 ka sibuyas bombay
• 300 g uhong nga puti
  (white mushrooms)
• 300 ml nga vino nga puti
• 250 ml nga presko'ng krima
  (fresh cream)
• 5 ka karot
• 1 ka itlog
• 2 ka kutsara nga mantika
• 2 ka kutsara nga harina
• 2 ka chicken cubes
• asin ug ginaling nga paminta

Proseso

1. Hiwa-a ang karne og dinagko nga kubitos. Paniti ang sibuyas bombay ug mga karot unya hiwa-hiwaa kini.
   
   
2. Limpyohi ang mga uhong og panapton nga basa ug hiwa-hiwaa usab kini.
   Pahibalo : Ayaw hugasi ang mga uhong aron dili kini mo absorba og tubig hinungdan nga mawagtang ang lasa niini. Limpyohi lamang kini sa basa nga panapton o tissue paper
   
   
3. Painita ang mantika sa kaldero ug isagol ang karne. Lutoa kini hangtud sa motabun-on ang kolor unya haona ug ibutang sa plato.
   
   
4. Gisaha ang sibuyas bombay sa kaldero bali'g 3-5 ka minutos.
   
   
5. Ilunod pagbalik ang karne sa baka ug budburi kini sa harina.
   
   
6. Dugmoka ang mga chicken cubes ug isagol kini sa vino nga puti. Itimbol ang maong sagol ngadtu sa karne ug pabukala kini.
   
   
7. Ilunod ang mga karot ug mga uhong. Lutoa kini og hinay-hinay bali'g 2 ka oras o hangtud sa mohumok ang karne.
   Pagasugkay-sugkaya kini usahay aron dili mopilit sa kalderon. Timboli og usa ka takos nga chicken broth o tubig kung mahubsan kini sa iyang sabaw.
   
   
8. Isagol ang presko nga krima ug itlog unya kutawa kini ug ilunod sa karne. Lutoa pagbalik bali'g 10 ka minutos.
   
   
9. Timplahi kini sa asin ug ginaling nga paminta depende sa imong lasa.
   
   
10. Mahimo na kini ikadalit paresan og init nga humay o mais. Manga-on na'ta !

 

La Blanquette de Veau. 😋

Une vidéo publiée par @lizzieduchatelle le 15 Mars 2015 à 4h02 PDT

No Comments